كلمات شاعر بني هاشم
الشاعر صبرى عبد الواحد الحسانى
مش كل ذكر راجل
كل الرجاله ذكور
ولكن مش كل ذكر راجل
كلامى كلام موزون
ما يفهمهوش غير العاقل
ماهو دكر البط ذكر
لكن ما هوش راجل
المرجله مش بالذكور
دى اعمال تكون ليها عامل
ما تخونشى صاحبك ولا اخوك
وعن دينك تكون غافل
مش كل ذكر راجل
ما تجيش على الغلبان
وتكون ماكر وفاجر
ما تخوضش فى اعراض الناس
وتبيع فيها وتاجر
ما تاكلش حق الولايا
والنهار تنام والليل ساهر
ما تاكلش الحرام وتقول
دى مجدعة وانا شاطر
الراجل دايما يكون
جابر لكل الخواطر
ما تكونش الناس صايمه
وانت لوحدك تكون فاطر
ما تصرفش فى الحرام ألوفات
وفى بيتك تكون حازر
مش كل ذكر راجل
ولا كل السحاب ماطر
الرجولة مواقف وأفعال
مش كلام تكون ليه ذاكر
شاعر بنى هاشم/ صبرى عبد الواحد الحسانى
ليست هناك تعليقات:
إرسال تعليق