~ جيتك بكل الحب
جيتك بكل الشوق آبي
أرسم البسمة على شفاتك
جيتك بكل الفرح
ابي أمسح الدمعة عن عينيك
جيتك بكل الحب ابي الحب
ابي نبضي يوصل إحساسك
واعزف على صدى أنفاسك
همسات وجدي وهيامي
تكتبني نظراتك قصيدة حب
تذوب فيها أهآتي
تروي قناديل السهر
بألحان العشق والغرام
جيتك أحبك
واعوض زماني وزمانك
نضوي شمعة عمرنا
بنور الأماني
يضمنا ظلام الليل
بخوفه وحنينه
جيتك بكل الحب
ابي الحب
ابي اراضي قلبي المفطور
وكومة أشواق
تحترق بنار الغياب
للأسف ما عاد للحب عندك معاني
تجاهلتي أحاسيسي
وذبلت بين يديك كل الأماني
أهديتك عمري فدوى لك
غرتك حياتك و دنياك
كنتي حلم فوق الخيال
كنت قصة عنوانها
فرحة أمل قبل المنام
جيتك أسألك حبك
وكان العشم تجاوبيني
لبيه يا الغلا لبيه
يا مسك فجري الباسم
مشتاقة لضمة روحك
وانسى معاك كل مواعيدي
ما عاد أجيك
بس عندي طلب
خليني صدفة حب حلوة في حياتك
مرسومة على أوراق ربيعك
#شاكر_محجوب
ليست هناك تعليقات:
إرسال تعليق