عمرنا
عُمرنا عُقده بيُفُرط حَبه بِحبه
سَنه بتعدى وعام بيفوت
ناس بتموت عَواجيز أو شَابه
واللى بابُه فَتَح بيفوت
لو رِيح الأيام جَات هَابه
طاطى هَتِنفِد مِش هَتموت
وإوعى تعاند مع ريح هابه
دا العند بيخربها بيوت
عِيش ايامك خير ومحبه
وإِسرح دايما ف الملكوت
كِنز الدنيا لو كان تَبه
مش هينجينا من الموت
إخلاصك عملك والصحبه
لو صالحه المركب هتفوت
وتعدينا ورب الكعبة
لِشط نَجاتنا ونبنى بيوت
والكسبانه مش دايما غالبه
ممكن بعد المكسب موت
دايما صوت الحق له رهبه
والباطل رايته فى خفوت
الدنيا مِشاركانا ف اللعبه
وتِحلا اللعبه ف اخر شوط
مدح الناس أحياناً سِبه
وعِتابنا مش كله سكوت
بقلم Soleman El Rashed
ليست هناك تعليقات:
إرسال تعليق