" سمك 🐋 - لبن 🍼- تمر هندى 🍺 "
(التربية...ثم التعليم)
▪︎علمونا ف المدارس
▪︎إن قيمتى ف القرايه
▪︎وإن أول كلمة "إقرأ"
▪︎هنلاقيها جوه آيه
▪︎أمر ربى للرسول
▪︎يقرا باسمه،دى البدايه
▪︎لكل علم يمحى خيبه
▪︎ويا جهل للنهايه
▪︎نبقى سادة بعلمنا
▪︎مش عبيد أو سبايا
▪︎بس قبل العلم لازم
▪︎أبقى مش ناقص ربايه
▪︎تو ما أجرح حد غيرى
▪︎أجرى أبص ف المراية
▪︎صعب أغضب بإحترام
▪︎سهل أفرش الملايه
▪︎وقبل ما نعلم،نربى
▪︎جيل يشرف البرايا
▪︎أيوه رافع راسه فوق
▪︎مش بيمشى بالعصايه
▪︎هيه دى أصل الحكاية
▪︎م البداية للنهاية
▪︎تبقى طاعة أمر ربى
▪︎ولرسوله أسمى غاية
▪︎هبقى أغنى الناس بأدبى
▪︎مش مهم كام معايا؟!!!
▪︎يلا صحصح قول ورايا
▪︎مش راح أمشى بالعصاية
عجبى...
(خالد فاروق)
ليست هناك تعليقات:
إرسال تعليق