((خلاص سماح))
بقلمي (( منى شحاتة))
جمهورية مصر العربية
قالوا سماح وانسي كل ...جراح
وبلاش كفاية ملامة وانسي بقى اللي ...راح
نزلت دموع عيني تجري على خدي وزادت بكى ...ونواح
سمعها قلبي اتفتح جرحه والدم منه...ساح
لما افتكر أنها كانت السبب لما بحبه... باح
كانت عامية بعتتله إشارة غلط نورتله ...مصباح
على ضوءه طار ف السما يرفرف وكأنه بقاله ...جناح
وفضل يرفرف ويغني ويوصل الليل ...بالصباح
وعاش في حلم جميل يتخيله مليان... أفراح
ويوم مانطق بحبه وأطلق للسانه... السراح
أنصدم لما جاله الرد ولقى قلبه غير... متاح
عرف وقتها غلط العين وصرخ بأعلى صوت ...وصاح
ندمان لأنه صدقها وكان فاكر أنه خلاص... ارتاح
وإن هموم الدنيا بعذبها خلاص عنه ....
إنزاح
رجع مكسور من تاني لكنه قال العين خلاص... سماح
بعد مااعتذرتله قالها كفاية بكى...
ونواح
اتبسمي لبكره وانتظري نور... الصباح
ومتخافيش عليا بكره هيكون احلى بروحي الحلوه وعطرها ...الفواح
ليست هناك تعليقات:
إرسال تعليق