" بأسكت روحي "
بقلم /عماااد الأبنودي
•••••••••••••••••
خسارة قلبي اللي اتمرمت
و ضاع سنينه في هواك
مغفل بقا اتاريني صدقتك
إن غرامي كله معااااااااك
علمت عليا طبعاً بزيااااااااده
و درسك فهمته كده كالعاده
خلاص كفايه ليك شكراً
مش ناقصه أوهام خداعه
كدبت بما فيه الكفايه
و النهايه بعبطي حبيتك
خدعتني ف أحلا حكااايه
و سكنتك قلبي و خبيتك
اتظلم منك طب ازاي
وأنا مغلوب امري منك
لو تملك شجاعة قلي
هو كان قلبي يهمك
ما همكش عذابي وتنهيدي
و عادي لو قلبي مجروح
طلع هواك ده ... عيبي
و طعنه كبيره جوا الروح
بأسكت روحي و أكدبها
و أشيلها همومي و أوجاعها
و اقولها بلاش دلع فاضي
خلصانه بشياكه من أولها
كنت موهوم بحب كداب
بيرسم خطوطه بحنيه
و لياااالي سوادها عذاب
مافهاش ذرة انسانيه
مفيش مانع ما هو الطباع
و طبع الخاااااين غلاب
الحيله عنده دايما صنعه
و ازاي يبدع في الأسباب
ويمثل بغلب أنه ضحية
و انه برئ من أي اتهاااااام
مالوش يا عيني إلا الحنيه
و يرق صوته بالكلام
بالذمة فين هنا ...؟ القضيه
مادام الحب ملهاش مكان
كانت نزوة ف حياتي ديه
ماحستش فيها بالأمااااان
بقلم
عماااد الأبنودي
19 . 4 . 2022
ليست هناك تعليقات:
إرسال تعليق