جوة قلبي خش واستخبى
***************************
جوة قلبي خش واستخبى بالمحبة
ما انت مستربع مش كلام أونطة
ورُش شوية مسك وعنبر ومودة
وطَيِّب فؤادي وبلاش معاندة
دنا عشقي داب من كثر المناهدة
وحبك ده يتقال من غير مناسبة
الحب باين بعنيك من غير مشاهدة
وبكاس الغرام تملاه عشق ومحبة
تشرب وتسقيني منه حبة حبة
وتحليلي سنيني يا كل الأحبة
والقرب منك بيزيد عشق ومودة
والدنيا تشرق حب بكرة والنهاردة
وتحفظ وجودك بالقلب من جوة
وتطمني بحبك بعيونك المستحية
وتسقيني حنانك يا أجمل هدية
وتنور طريقي بعطف نورك والحنية
يا حبي يا حياتي حياتي بيك مرضية
وانت جوة فارد شِباكك وقلاعك المحمية
محدش يقدر ياخد مكانك يا أغلى هدية
ولا حد يقدر يزحزحك من جوة جوة
انت متمكن يا حبي من قلبي مية مية
خش جوة قلبي واستخبى يا نور عينية
بقلم الأديب والشاعر المهندس / محمد عوض
بتاريخ : 28 / 05 / 2022
ليست هناك تعليقات:
إرسال تعليق