أميرة الورد
*********
بقلمي/ السيد عطاالله
ياللي بتقطفي الورد
اومال نصيبي فين
أنا عاشق لك بجد
حني على المسكين
جمالك ماله حد
مليان فل و ياسمين
ورد بستانك ما يتعد
مالي القلب والعين
قلبي وقع و تهد
ما نفعني شعر ولا تفانين
لقيت بابك بيتسد
امام كل العاشقين
أنا حبيبك مش أي حد
افتحي دا أنا كلي حنين
كفاني منك صد
قلبي يتالم من الأنين
لو لمستك باليد
أتوه في سحرك سنين
في العشق مالك ند
يا زهرة البساتين
لو تسمحي بالود
ما أعرف راسي من القدمين
لولا إني لله عبد
لقلت شدي وثاقي بحب متين
ليست هناك تعليقات:
إرسال تعليق