*** إنتوا فين ***
كل يوم ..
علامات بتقلب في الموازين
كل يوم ..
حوارات تجنن في العاقلين
انتوا فين يا مسؤلين
ياللي ماشي فوق ضميرك
يا اللي واخد حق غيرك
نفسي تسأل إيه مصيرك
والغلابة عطشانين
المخدر و البنات جوه النوادي
الصراخ مالي الشوارع قلت عادي
طفل يأكل فى الزبالة وانت هادي
نفسي تعرف أنت مين
حط نفسك مرة وحدة وسط دول
الرغيف لقمة ومتغمس بفول
اوعى تشكي أو عى تصرخ أو تقول
خلي صبرك في السنين
دومات جوه الشوارع ناس وناس
والحكاية إننا من غير أساس
كله بيدوس على اللى تحته بالمداس
داسوا مين. .. مش دريانين
الشاعرناصرعطامحمد
البلد مصر
ليست هناك تعليقات:
إرسال تعليق