كلمات شاعر بني هاشم
الشاعر صبرى عبد الواحد الحسانى
ما تقولوش اشمعنه هى
ما تسألونيش
علشان أنا مش هجاوب
اشمعنه ديه
قلبك فى حبها دايب
ما تقولوليش
أنت خلاص بقيت شايب
ما تنصحونيش
وتقولولى عقلك بقى غايب
أنا بحبها وبعشقها
وهى عندى اغلى الحبايب
ما تسألونيش
وتقولولى ايه فيها عاجب
ما تلومونيش
أفديها بأعز الحبايب
هى روحى وكل عمرى
اغلى من كل القرايب
اغلى من أهلى وناسى
ومهما بعدت عنها ما غايب
ما تلومونيش
وتقولوأنت فيها مظلوم
شقا وتعب وألم
ومحروم حتى من النوم
وغيرك عايش فيها فى غرام
. وانت حقك فيها مهضوم
ناس فيهابتاكل شهدوتلبس حرير
وناس مش لاقيه تاكل ولا لاقيه هدوم
ماتلومونيش على حبها دى بلدى
حبها فى دمى للممات هيدوم
نيلها ياما روانى
وشمسها ما تغيبهاش غيوم
وأرضها خيرات بتطرح
بعدداوراق الشجر والنجوم
من غير ما تجاوب اعرفوها
حبيبتى هى مصر رأسها فوق النجوم
اسمعنا هى هقولك
علشان فى خيرها كلنا بنعوم
ليست هناك تعليقات:
إرسال تعليق