غيرة عامية
نزلت ستاير عنيا
وهي جوه متدارية
مش عاوزة تخلي عيوني
تشوف واحده تاني غيرها
حتي القلب بسلامتة
عمل نفس الحركة ديا
وهي رايحة وجاية رايحة
ما بين قلبي وعنيا
اعمل ايه ياناس قولولي
وايه اللي بين قلبي وعنيا
نزلت من عيني دموعها
والقلب دا حس بوجعها
ان فيهم حد يرحم
ويرفع عن عيني الستارة
اصل عيني ياناس بحر
والبحر بيحب الزيادة
واوعوا ياعالم تظلموني
عيني وقلبي دول إمارة
العين أصلها دي عشرية
وقلبي دا مسحراتي الحارة
واصحي يا نايم صح النوم
قمرات حارتنا الحياري
دا مشاعري زايدة بالكوم
وستايري فتحت بزيادة
واصحي يا نايم صح النوم
ويا قلبي ما يقطعلك عادة
ويا عيني كفاكي بقي نوم
دا نوم العاشق عبادة
وصالحت. قلبي والعيون
وخلاص قطعنا الستارة
بقلم
احمد محمود
من ديوان. بنا الحروف
ليست هناك تعليقات:
إرسال تعليق