أغنية شعبية
(( أشكي لمين ))
أشكي لمين
وأقول يامين
يرحم قلبي *** وسنين عذابي
$$$$$$$
عذاب وآهات
وكتير حاجات
حتى إللي مني *** ما رحموا شبابي
$$$$$$$
أنا شوفت ياما
ذل وملامة
وجرحم فيا *** حتى ف غيابي
$$$$$$$
ياما سهرت ليالي
مشغول بحالي
وقالوا عن قلبي *** متهني وخالي
$$$$$$$
دول ياما لاموني
وبكوا عيوني
وإللي شوفته منهم *** ماكان على بالي
$$$$$$$
طباعهم صعبة
عملوا قلبي لعبة
وما شوفت منهم *** غير الآسية
$$$$$$$
يادنيا إرحميني
نفسي الحظ يجيني
وأعيش أنا *** أحلامي الوردية
$$$$$$$
وكفاية آقاسي
بين أهلي وناسي
حتى الحبايب *** سابوني باعوني
$$$$$$$
كنت بخاف عليهم
ووهبت العمر ليهم
لكن يا ألف خسارة *** هما أول من ظلموني
$$$$$$$
خلاص يادنيا توبة
الطيبة دي مش مطلوبة
أنا هاخد حقي منهم *** وهمسح دمع عيوني
$$$$$$$
أشكي لمين
بقلمي الشاعر/ وحيد محروس خليل
ليست هناك تعليقات:
إرسال تعليق