(((حلم ارجو ان يتحقق)))
اهدي هذه القصيده إلى وطني الام سوريتي الحبيبه التي ابكاها شيبي
**************************
تلاقينا من بعد زمان
هي غابت وعنها تغيبت
قالتلي قللي يا جهلان
شوصابك حتى شيبت
جيت احكي دمعي طوفان
ع خدودي بدق قلبي عزفت
مقطوعة تحكي اللي كان
بهالغربه وبفكري سرحت
احكيلا يا أما الكتمان
لسري،،،،؟؟لحظه فكرت
قلتلا عشت الحرمان
وياما راسي بالحيط نطحت
ارجعتلك ملهوف عطشان
وبصوتي المكسور صرخت
بحياتك تسقيني حنان
ولو رفضتي تشوفيني رجعت للغربه
وادخل بركان (جهنم)
حضنتني،،،، حسيت بأمان
( وعلى صدرا أتهديت وأرتحت )
***************************
شعر ؛ نذير دهان
ليست هناك تعليقات:
إرسال تعليق